राजकारण्यांचे वांझोटे समाजकार्य म्हणजे स्वतःचे राजकीय अज्ञान आणि कर्तव्याची
नसलेली जाण लपवण्यासाठी शोधलेली पळवाट.
*********************************************************************************
त्या दोघांची रोज ऑफिसात कडाक्याची भांडणे होतात, याचा अर्थ
त्यांचा घटस्फोट होईल या भ्रमात राहू नका! ऑफिसबाहेर त्यांचा संसार सुखनैव चालू आहे.
थोडावेळ आहे अजून 'हात'मिळवणी करून नीट "काम" करा नाहीतर
पंचवार्षिकपितृपक्षात मुहूर्ताअभावी पाचवर्षे ताटकळत रहावे लागेल.
*********************************************************************************
चिन्या तू त्या बाळ्याशी तुझी तुलना करायची सोडून दे.
बाळ्या आयटीआय करून चांगल्या नोकरीला लागलाय, घरदार संसार थाटलाय
आणि तुला लका लय हुशार समजून इंजिनीअरिंगला पाठवलं
अन तू अजून चाळीशीत आला तरी प्रबंधच लिहितोय.
*********************************************************************************
मी कोणाला काही म्हणलं, कोणावर टीका केली, अगदी चेष्टेत एखाद्याला
जोकर म्हणलं तरी ते मी भावड्यालाच उद्देशून बोललो असे तुला का वाटते?
एवढेच काय तर मी सोन्याचं कौतुक केले तरी त्याआडून भावड्यावरच
टीका केली असे तुला वाटते, खरेच भावड्या एवढा वाईट आहे का रे?.
*********************************************************************************
आमच्या लहानपणी खिरीत शेवया आणि तळ्यात कमळ कधी मिळालंच नाही.
आमच्या नशिबात तांदळाची खीर अन जलपर्णीची फुलंच होती.
#गावाकडचे_ग्रेट_स्ट्रगलर्स!!!
*********************************************************************************
(संतोबा)संतोष गांजुरे.
0 प्रतिक्रिया:
Post a Comment