अपप्रवृत्तींना जेवढी मोकळीक द्याल तेवढी त्यांची ताकद वाढत जाते. आज आपण सुपात आहोत म्हणून गहाळ बसलो तर उद्या जात्यात भरडल्याशिवाय राहणार नाही! त्यामुळे अपप्रवृत्तींना वेळच्या वेळी ठेचून काढले पाहिजे नाहीतर त्या एकदा मानगुटीवर बसल्या तर आपली सुटका केवळ अशक्य !
******************************************************************
मानवाची प्रगती!!!
वाघ,सिंह म्हणलं की प्रतिष्ठा,
गाढव,माकड,कुत्रं म्हणलं की अपमान.
पण माणसाला माणूस म्हणून मान्यता आणि प्रतिष्ठा भेटेल काय?
******************************************************************
श्रेष्ठत्वाचा अतिरेक फार वाईट! आपण वा आपला समूहच फार श्रेष्ठ हा अहंकार आपणांस दुर्मिळ बनवतो आणि दुर्मिळ गोष्टी फार काळ टिकत नाहीत.
******************************************************************
वेळेआधी आणि योग्यतेपेक्षा जास्त मिळाले की तोल ढासळतोच.
*****************************************************************
एकवेळ नितीमान शत्रूपासून बेसावध राहिलं तरी चालेल पण
हीन मनोवृत्तीच्या लोकांपासून कायम सावध राहिले पाहिजे.
****************************************************************
(संतोबा)संतोष गांजुरे.
