हिस्सा

का गं असे तोंड लपवून पळतेस,

आईबापां-भावांबहिणींस विसरतेस.

दुष्मनापरी आम्हां जास्त छळतेस.

की फक्त फायद्याची बाजू ओळखतेस.

का गं आमच्याशी जाणूनबुजून दुरावा.

आम्ही तुझे कोणीच नाही, हा दिखावा.

नाटक असं, कोणीही सहजी फसावा.

बतावणी अशी, कोणीही विश्वास ठेवावा.

हक्क मागताना नको कसली भिती.

म्हणून राखावा दुरावा, हीच का निती.

यासाठीच का, तोडलीस तू सारी नाती.

क्षणभंगुर जीवन हे, काय राहील हाती.

संपत्तीच्या ओझ्याचा का गं तुला सोस,

सगळं स्वतःलाच मिळावं का ही आस.

चतकोर हिश्शापायी का होतीस कासावीस.

हवंतर घे माझाही वाटा, नको करू त्रास.

मी उचलतो स्वखुशीने सर्व जबाबदारी.

जबाबदारीत नसू दे कोणाची भागीदारी.

गाऊ नको गाऱ्हाणे ऐऱ्यागैऱ्याच्या दरबारी.

हक्क घेउनी, सुखी रहा तू आपुल्या घरी.

                                     संतोबा...