माय मराठी, असे माझी प्रेमळ माऊली.
काय वर्णावी, अमृताहुनी गोड तिची बोली.
सदा सर्व क्षेत्रात अग्रेसर, हा महाराष्ट्राचा वसा.
लाभला त्यास, कर्तुत्ववान थोरामोठ्यांचा वारसा.
छत्रपती शिवबा, आपल्या सर्वांचा राजा.
गुण्यागोविंदाने नांदे, सुखी तयाची प्रजा.
स्थापले स्वराज्य, भेद नसे जातीधर्माचा.
शून्यातून विश्व निर्मिले, आदर्श स्वकर्माचा.
हाती घेऊनिया, शुभ्र खडू अन् काळा फळा.
जोतिबासावित्रीने उघडल्या सर्वांसाठी शाळा.
गरीब, अस्पृश्य अन् स्त्रियांचा करण्या उद्धार.
सोशिले कित्येक घाव, प्रसंगी सोडले घरदार.
राजाश्रय मिळाला, शिक्षण, शेती, उद्योगास.
लाभला असा, राजर्षी शाहू लोकराजा जनतेस.
कायदे जनहिताचे, सक्तीचे अन् मोफत शिक्षण.
शोषितांस प्रवाही आणण्या, दिले त्यांस आरक्षण.
स्वातंत्र्य, समता, बंधुत्वाचा केला पुरस्कार.
बाबासाहेबांनी दिला सर्वांस संविधानाचा आधार.
शुद्रातिशुद्रास मिळे, मानवी जगण्याचा अधिकार.
संविधानच मार्गदर्शक, त्याआधारे चाले कारभार.
संतोबा...
0 प्रतिक्रिया:
Post a Comment